真人真事~100%呃鬼食豆腐~下集!
呃人食報紙~~
話說昨晚同事甲同乙賭馬,佢兩個撕片!甲就叫我是但講一個no.我話7號啦!!!乙就好大聲咁話....跑出黎~我食左張報紙佢!!!點知....就係咁戲劇性.....真係跑第一...呵呵呵~我仲串佢如果係嫌張報紙硬,我幫你浸軟佢聽日食啦!!!於是我臨收工就用剩下來既麵湯浸住張報紙~睇下佢聽日點死!!!!!
今日一早我拿出浸了湯的馬報,當然係勁串乙~係咁叫佢食啦!!
佢拿起張報紙就話都仲未夠軟,於是我就話拎去蒸下佢囉!......講講下我地忽然諗起!不如去嚇下廚房既"上什"...於是佢就拎左盤~"上湯浸報紙"好正經咁問:"師傅呀?個蒸爐有冇位呀?"~仲特登將個盤在他面前停留了一會!!!!我在遠處看見廚房佬,佢當時目瞪口呆....望住乙,手放在頭上抓的表情,我已經快喘不過氣來!!!而乙還好正經地說:"師傅呀!唔該我想蒸一個字呀!"~~當他回到我身邊時~我們躲到一旁,笑得眼水長流,(再加上公司冷氣壞了解)我都笑得快窒息.....
好不容易,五分鐘後,乙話不如一齊去起,在佢面前討論下我地既新產品~我說不如試勁d,睇下可唔可以呃到佢食丫拿!!!!
於是乙(佢演技比我好得多,所以由佢出頭!)去到蒸爐處,拎左盤正野出黎!佢裝模作樣地試下味,之後大聲同我講:"喂~好似唔係幾夠味喎!!!"我就大聲答佢:"咁加d雞粉啦!!!唔好加鹽喎!"
跟住佢就一本正經地問個"上什":"試唔試下呀?"
"上什"話:"下?咩黎架?"
乙答:"報紙囉!好好味架!試下啦!"
之後乙不理他,去拿了三對筷子,走回我們檔口,"上什"都跟埋黎!(可能係好奇!)
當他們到來時我和乙不停好正經地討論張報紙夠淋未?夠味嗎?...."上什"看得呆晒!!
而我因為太熱,正在用毛巾抺汗,乙就伸手比我一對筷子叫我試下!(我知個死仔冇信心呃倒人!想我食先!)
我於是好輕描淡寫地說:"ok,等我抺完汗先啦!"
這時在乙身後的"上什"居然搣了一小角報紙放入口中!!!!嘩卡卡卡))))我笑到想死咁滯!!!!
之後成個廚房整日都在笑!!!(好在"上什"玩得!係咁話:"好啦!笑三個月算啦!)哈哈~~幾年未笑過咁厲害啦!!!
後記!要玩一個新入行的人不難!!!難就難在玩一個近40年經驗的老廚師!少一點演技都不會成事呢!!!!!!!!!!哈哈哈哈))))))))
[ 本帖最後由 even 於 2007-6-1 11:32 PM 編輯 ]
|
小提示:
最新主題
