男友與護士 `

我帶左男友最鍾意食既野去醫院探男友,

佢想行入私家病房之際, 見門虛關, 想靜雞雞行入去,

比D驚喜佢, 點知比我聽到……..

男友話:真係好滑, 又聽到女聲溫柔的話: 你唔好咁啦!

男友又話:忍唔住嘛, 女聲又話: 細聲d呀 !比人知道我死梗!

男友又話:一場舊同學, 比我再黎多野丫,

女聲答道: 咁快, 你唔怕咩? 你病緊架 !

男友話: 有咩好怕, 最多都係比人鬧兩下, 快D黎多野啦 !

我聽到就黎發癲兼爆炸….

女聲又話, 我要做野架, 一陣再返黎先啦,

男: 我怕我忍唔到, 你要去係邊間病房, 我等得耐我就黎搵你!

女: 傻架咩, 你唔好呀, 咁張揚, 囉正牌咩 !

跟住見有個護士笑瞇瞇咁行出黎, 重差d撞到我,

我發晒癲咁衝入病房, 正想發難咋, 個女護士返轉頭,

見到我就話: 好囉, 你女友黎左, 我唔比你喇 !



我瞪大對眼啤住個護士, 有D衝動想”車”佢一巴 `



點知見佢扲住碗 豆腐花 ` 同我帶黎既野一樣 - V -