各位拍緊拖的客人，又或者係已婚人士埋?睇下！未有另一半？唔好意思冇你份！


白羊座

白羊座的朋友'06會係一個冇風冇浪的年頭，同另一半冇事冇幹「淡茂茂」之餘最慘係連想換畫的機會都冇，就算勉強叫有得揀都唔會比而家?個好，所以呢，請唔好對'06戀愛生活有咩寄望！努力工作讀書啦！

天堂之月~唯一較大生氣的係5月，情人會對好DD~~但係都係DD咁囉！

地獄之月~1月下旬同情人易因瑣碎小事而吵大鑊，就算係對方唔著都讓下佢啦！


金牛座

恭喜晒各位金牛女！'06戀愛運絕對power up！兩口子的關係向前邁進一大步，未結婚的仲會響'06拉埋告別單身生活添！可喜可賀！兩人關係如膠似漆仲會得到另一半的幫助，'06真係拗埋手等人養咯！

天堂之月~11月即頭閃令令！未結婚好趁呢個月拉埋啦喂！

地獄之月~同情人響1月會較易發生爭執，大家都有錯，一人道歉一次啦！

雙子座

'06同另一半的關係只能用「一潭死水」?形容，大家毫無突破，仲會出現「倦勤」跡象添！尤其留意下4月至8月呢段時間，雙方關係會跌到落谷底，好彩在話衰又衰唔得晒，就算係咁都未必會決裂，維繫下啦！

天堂之月~捱下一個月捱下又一個月，去到年尾12月大家的關係會有返D起色。

地獄之月~7月會係一個好關鍵的時刻，分唔分得成手就睇呢個月啦！


巨蟹座

響'06裡面另一半的地位備受考驗，變得可有可冇，而且巨蟹女響'06桃花運勁好！不過始終男朋友或者老公又未係去到冇感情的地步，所以響舊愛雖好新歡難忘的情況下，巨蟹女'06容易發生一腳踏幾船的局面。

天堂之月~4月另一半地位會提升，大家關係會sweet sweet D！

地獄之月~9月係最容易同另一半發生爭執的高危，唔好太意氣用事呀！


獅子座

同情人關係每況越下，唔多愛之餘仲開始變得吵吵鬧鬧，越睇對方越唔順眼，不過就唔知係好彩定唔好彩，因為'06桃花近乎冇，所以響冇得揀的情況下，依然會吵吵鬧鬧度日，好快又過一年咁囉！

天堂之月~吵吵鬧鬧中一叫冇咁吵的會係6月，咪諗下要咩禮物囉！

地獄之月~唔妥的局面終於一觸即發，彼此容易發爛渣，又分又合咁！


處女座

響咁多個星座之中，各位處女女係最會機會出問題，所以請大家留心D！首先'06的變數有情緒成日唔多好，嬲爆爆黑面唔在講，仲成日對情人借題發爛；另一個變數係情人出面易有引誘，外憂內患自己好自為之！

天堂之月~響12月情緒會維持響晴天狀態，未分手的話大家就會好返晒！

地獄之月~密切留意黑色7月，響呢段期間男友老公最易出軌，睇緊D啦！

天秤座

首先呢，同情人的關係會幾好，即係冇話特別好，亦冇話特別差，反而要留意的係因為'06較易響戀愛上胡思亂想，發生「10月芥菜」事件，所以'06要好好控制下情感，唔好郁下就思想出軌！小心表錯情！

天堂之月~5月會突然表現得好愛對方，亦因為咁令到關係變得甜椰椰！

地獄之月~同情人變成「話不投機半句多」，最易發生思想出軌的月份！


天蠍座

'06運氣好好，各方面的發展都好順利，連帶同情人的關係亦變得比之前穩定，男朋友老公都對自己言聽計從；唯一要留意的係自己的異性緣會出現變化，意思係平日冇乜幾句的突然向你示好，安份D好喎！

天堂之月~響6月運氣稍遜之際，情人會發揮支持作用，關係反而大步向前。

地獄之月~響11月同情人勁多交嗌，對方句句有骨，唔諒解之餘又幫唔到手！


人馬座

關係唔會有乜大改變，簡單說明即係唔會結婚又唔會分手，但要留意係'06同情人會成因大大小小事情嗌交，尤其係要多留意3月同7月，正所謂相嗌唔好口，討論下還可以，唔好嘈到動真火，傷到大家感情嘛！

天堂之月~成個12月彼此都好重視對方，完完全全陶醉響二人世界入面。

地獄之月~3月呢個月要多小心，大家會因為自己情緒而同對方搵交嗌！

山羊座

同另一半的關係響'06都係咁上下，不過會聚少離多，幸好'06自己的社交運唔錯，與其成日煩住個HONEY，不如將D過剩的時間放響其他人身上囉！話雖如此，得閒都要花少少心機響情人身上！唔多見唔代表唔愛嘛！

天堂之月~4月同情人的關係會親密DD，又會CLOSE close返DD，算係多溝通的時期。

地獄之月~響1月期間對情人的包容性會減低，容易發爛傷到大家感情。


水瓶座

厞所謂「不進則退」，'06水瓶座同另一半的關係會出現類似的考驗，成日會諗到底自己有冇揀錯郎，好彩諗還諗又唔會話實際行動，不過要反思係你會咁諗其實對方都會咁樣諗，總之響'06會充滿挑戰！加油啦！

天堂之月~8月時情緒較波動，好彩情人反而更關心自己，關係提升！

地獄之月~響11月要控制一下情緒，表現一反常態，對方唔係咁頂得住！


雙魚座

'06對雙魚座?講係一個變化極大的年頭，反而感情方面的變化就唔係太大，未結婚的對方會向你求婚，結?婚的老公可能就想添一下丁。至於身邊一D似霧迷離的追求者就可以不理，開心完就算啦下！

天堂之月~9月會係培養感情的好機會，不如計劃一下兩口子去下旅行咁！

地獄之月~響7月期間大家容易發生無謂的誤會，有咩最緊要講清楚呀！

雙子座

'06同另一半的關係只能用「一潭死水」?形容，大家毫無突破，仲會出現「倦勤」跡象添！尤其留意下4月至8月呢段時間，雙方關係會跌到落谷底，好彩在話衰又衰唔得晒，就算係咁都未必會決裂，維繫下啦！

天堂之月~捱下一個月捱下又一個月，去到年尾12月大家的關係會有返D起色。

地獄之月~7月會係一個好關鍵的時刻，分唔分得成手就睇呢個月啦！